U K’AABETIL U XOOKIL TS’ÍIB ICH MAAYA TI’ U NAJIL XOOK (La importancia de la narración en lengua maya...)

U K’AABETIL U XOOKIL TS’ÍIB ICH MAAYA TI’ U NAJIL XOOK

Ma'aloob k'iin wa áak'ab aanakte'ex in weet tsiikbe'enil ajka'ansaje'ex. Ti' le súutukila' in k'aat ka'a much xooke'ex (wa yaan a wóole'ex) le chan meyaja'.

  

“Taalako’ob bejlae’, u waalo’ob Maayab, ka’ a wu’uye’ex u ki’ k’aay máak chúumuk aak’ab” Antonio Mediz Bolio (La tierra del faisán y del venado).

Uuchben maayao’ob suuk u muuch’talo’ob yaanal u bo’oy yaabilta’an ya’axche’ u seen tsikbaltiko’ob ti’ paalal jejeláas tsikbalo’ob, je’el bix: ja’asajóolal, kóonkontsikbalo’ob, tsoolxikino’ob, wa chéen ka’ u tsikbaltiko’ob ba’aloob ku uuchul ti’ le k’iino’obo’.

Le je’ela’ jach jats’ uts suukil tumen le paalalo’obo’ ku na’atiko’ob ya’ab ba’aloob u tia’alintiko’ob, ku na’atiko’ob ba’ax o’olal beychaj le yook’ol kaaba’ yéetel ba’ax o’olal kuxlajo’on ti’ u lu’umil maayab.

Maasewáal ajka’ansaj k’ana’an u xookik ti’ le xooknáalo’ob jejeláas tsikbalo’ob ts’íibta’ano’ob u tia’al u kaaniko’ob bix ki’ij u xo’okol yéetel ka’ ka’antal u kaambalo’ob. U muuk’inta’al u kaambal xooknáalo’ob je’el u beytale’ yéetel le meyaja’, bey xan ku suuktaltio’ob le ken xi’iko’ob ti’ u láak’ najil xook ku bisiko’on le jats’ uts suukila’.

Ti’ maakalmáak ajka’ansaj ma’aloob kéen u k’am mejen paalal suuktio’ob le xooko’, tumen beyo’ ku séebtal u kaaniko’ob je’el ba’alake’ ka’ e’esaktio’ob, beyo’ tak ajka’ansaj ki’imak u yóol tumen ma’ talam kéen u bisik le xooknáalo’ob tak u tuch’o’ob u kaambalo’ob.

ki'imaak in wóol múuchmeyajen ta weetele'ex.

Ajka’ansaj Julio Dzib.

LA IMPORTANCIA DE LA NARRACIÓN EN LENGUA MAYA DENTRO DEL SALÓN DE CLASES.

Buen día o noche tengan respetables colegas docentes, en esta ocasión quisiera que leyeran (si están de buen ánimo) este pequeño trabajo.

“Ahora, venid, hijos del Mayab, y escuchad la voz del que canta en medio de la noche” Antonio Mediz Bolio (La tierra del faisán y del venado).

Nuestros antepasados acostumbraban quedarse bajo la sombra de la bien amada ceiba a relatarles a los menores una variedad de narraciones, como: de fantasmas, relatos breves, consejos y otros temas que sucedían en esos tiempos.

Era esta una linda costumbre pues los  menores entendían muchas cosas para apropiárselas, entendían el origen mundo y el propósito de la vida en el mayab.

Es menester que los docentes indígenas lean diversidad de narraciones a los pequeños para que disfruten de la lectura u desarrollen sus aprendizajes. Reforzar el aprendizaje de los alumnos es posible con estas actividades, además se vuelve un hábito y al cambiar de escuela llevarán este buen hábito.

Cualquier docente que reciba a estos pequeños con el hábito de la lectura, han de ser bienvenidos, pues avanzan en sus aprendizajes en cualquier otra área y el docente se alegrará, pues esto facilita la tarea de ser guiados hacia el logro de sus aprendizajes.

un gusto trabajar junto a ustedes.

Prof. Julio Dzib.


BA'AX TIN KANAJ:

Wa juntúul ajka'ansaj u yaakunsmaj u meyaje', ma'aloob kéen u yilej le suukil xook tsikbal ti' le mejen paalalo'obo' tumen suukti', yéetele xooknáale' ku yéetsik je'el ba'alak kéen un beet u ajka'ansaj. Leten to'onej k'ana'an e'esik u ma'aloobil tio'ob, beyo' mix bik'in kéen u tuubso'ob máax ka'ansajtio'ob bix kéen u ki'óoltej le xooko'.

Ajka'ansaj Julio Dzib.

CONCLUSIÓN

Si un docente ama su trabajo, ha de ver con buenos ojos la costumbre de leer narraciones a los pequeños pues está habituado, además el alumno imita cualquier cosa que su maestro haga. Entonces nosotros debemos dar buenos ejemplos, así jamás olvidarán quienes les han inculcado el gusto por la lectura.

Prof. Julio Dzib.