U K’AABETIL U XOOKIL TS’ÍIB ICH MAAYA TI’ U NAJIL XOOK

U K’AABETIL U XOOKIL TS’ÍIB ICH MAAYA TI’ U NAJIL XOOK

Ma’alob k’iin ti’ tu laakale’ex in wéet ka’ansaje’ex  ka táakpajale’ex ti’ u meyajil le diplomaado maaya, bejla’a nika’ajen in tsikbalte’ex ba’ax kin tutkultik yo’olal uk’aabetil u xookil ts’íib ich maaya ti’ u najil xook.

Ich u najil xook mejen paalal tu’ux ku t’aanal Maayae,  jach k’aana’an u ka’ansalo’ob ts’íib yéetel xook ich u t’aano’ob tumen bey u ya’alil u noj almajt’aanlilo’ob je’el bix  Derechos lingüísticos de los niños y los pueblos indígenas, u noj almajt’aanil u lu’umil Mexico ti’ u  óox artíkuulo, bey xan ti’ u almajt’aanil  xook, le almajt’aano’oba ku ts’aik  ojéeltbil yaan a ka’ansik xook yéetel ts’íib le mejen xoknáalo’obo ichil le t’aan ku yáax chíimpoltiko’ob ti’al u t’aano’obo.

Uti’al túun u beytal le ba’ax kin wa’alikte’ex saamo’, tene’ kin tutkultike’ jejeláas bix ken u kaxantil u beetik juntúul ka’ansaj, je’el bix in wa’alik ti’ u láak’ ts’íibo’ob in beetmaj ti’ le kúuchila’, ka’ansaje’ yaan u xaak’al ka’ u kaxant le meyaj kun k’aabetchajalti’e, leten túun kin wa’alike wáa ka’ u yiil ba’ax ku ya’alik le almajt’aano’obo, yaan u meyaj ichil u t’aan le mejen xoknáalo’obo’.  Junp’éel  yéetel ba’ax  je’el u páajtal u ka’ansa’al  xook yéetel ts’íib le xoknaalo’ob ichil u t’aano’obo’, tene’ in wa’alike leti’e xook ts’íib ich Maaya t’aano’, tumen ti’al a ka’ansik xooke’ wáa a kanik xooke’  jach k’aabet  yúuchul xook, je’el túuno’ le ken xookok ts’íibo’ob u yu’ub mejen xoknáalo’obe jujunp’íitil ken xi’ik u takpajalo’ob ti’ u kaambal xooko’ob. Bey xan le xook ts’íibo’obo’ ich Maaya t’aano’  je’el u yaantikech ti’al u kanik ts’íib le mejen paalal ich u najil xooko’,  tumen kin wa’alike’  wáa táan a meyaj yéetel u t’aan xoknáalo’ob ichil u najil xooke, jach chéen ch’a’abil kéen u kaanilo’ob xook yéetel ts’íib ichil u t’aano’ob. Bey túuno uti’al lela’ jach ku k’aabetchajal le u xookil ts’íibo’ob ich maaya t’aano’, tumen ku yáantikech ti’al a jook’ol taanil  yéetel a meyaj.

U láak’ ba’axten kin wa’alik k’a’ana’an u yúuchul meyaj yéetel u xookil ts’íib ich Maaya t’aan ti’ u najil xooke’, tumen beyo’ le kéen táakpajak u xookil ts’íibo’ob ichi u najil xooke’ táan u bin u kaniko’ob le mejen xoknáalo’obo, le ken u kano’obe’ in tutkultike’ je’el u ka’ansikti’ob u mejen paalalo’ob tu k’iinile’, wáa ma’e je’el u ka’ansikti’ob ti’ u láak’ xoonalo’obe wáa tak ti’ u baatsilo’ob uti’al beyo’ ma’ u séeb bin u sa’atal Maaya t’aan.

Chéen le yaan in tsikbalte’ex bejla’o.

Aj-ka’ansaj Marte Alejandro Cahun Balam

 LA IMPORTANCIA DE LAS NARRACIONES EN LENGUA MAYA EN EL AULA.

Muy buenos días  a todos compañeros maestros que se encuentran participando en el diplomado en lengua maya, hoy les voy a platicar sobre  mi reflexión en cuanto a la importancia de las narraciones en lengua maya en el aula.

En las escuelas donde asisten niños hablantes de la lengua maya, es muy importante enseñar a leer y escribir a estos en su lengua porque así lo versan las leyes como los derechos linguisticos de los niños y los pueblos indígenas, la constitución policía mexicana en su artículo tercero, así como en la ley general de educación, estas leyes dan a conocer que se debe trabajar y enseñar a leer y escribir a los alumnos en su lengua materna.

Para que se pueda llevar a cabo lo que comentaba hace un momento, considero que el docente deberá buscar diversas formas, y como comentaba en escritos anteriores en este espacio, el maestro debe investigar para buscar la estrategia que mejor le funcione, por eso considero,  que si revisara lo que dicen las leyes, él tiene que trabajar con la lengua del alumno.

Algo con el que se puede enseñar a leer y escribir a un alumno en su lengua, yo considero que son las narraciones en lengua maya, porque para enseñar a leer o para leer es importante leer, entonces al leer las narraciones para que lo escuchen los niños, les permitirá adentrase al proceso de la lectura de poco en poco. Así también,  las narraciones en lengua maya te pueden ayudar a que el niño aprenda a escribir en la escuela, porque si se trabaja con la lengua del alumno en el aula, será fácil para ellos aprender a leer y escribir en su lengua. Entonces para esto, son muy necesarias las narraciones en lengua maya, porque ayuda a salir adelante con esta labor.

Considero que también es importante trabajar con las narraciones en lengua maya en el aula, porque de esta manera, cuando las narraciones en lengua maya son empleadas  en el aprendizaje de la lectura y escritura en su lengua la van aprendiendo los alumnos, cundo lo aprendan, ellos ya se lo podrán transmitir a sus hijos en un futuro, si no también se lo puede enseñar a sus compañeros y familiares, y de esta manera la lengua maya no se olvidará pronto.

Es todo lo que tengo a comentarle el día de hoy.

Maestro: Marte Alejandro Cahun Balam