Prof. Humberto Poot carrillo
Ma’alob áak’ab, ti yano’on ti’ u
láak u k’iinilo’ob meyaj, tak bejla’e’ o’ok ts’íibtik ba’axo’ob o’ok u yúuchulo’obto’on,
ba’axo’ob k oks óoltiko’ob, k ts’íibo’ob, u jaajile’ ts’o’ok k ts’íibtik ya’abkach
ba’alob ti’ u kuxtal mejen kaajo’ob. Ti’ le k’iino’oba’ yaan k t’aan tu yo’olal
bix u yúuchul ch’a’nu’uksajo’ob ti’ mejen kaajo’ob, beey je’ex te’ex a wojele’exo’,
saansamaal tu y’uuchul ch’a’unu’uk ti’ jump’éel chan kaaj, wa ka’ k ila’ ma’alob
jump’éel chan kaaje’, yaan k ilik bix u ya’abil u ch’a’abalnu’uk uti’al u beeta’al
wa ba’ax. Tin kaajale’ ku ch’a’abalnu’uk yo’olal jump’éel ts’o’okolbeel, jumpéel p’uuj, jump’éel meyaj, yéetel uláak’o’ob.
Teene’ yaan in t’aan yo’olal le p’uujo’.
Jump’éel k’iin u bine’, ku
tsikbalta’al yaan máako’ob kuj bino’ob p‘uuj ken sáachajak u láak’ k’iino’, uti’al
u beetik u beelil wa yaan máax u k’áat bin. Ti’ le ko’olelo’ ku ya’ala’al – ko’olel,
yaan a beetik k’eyem, tumeen sáamale’ yaan in bin p’uuj- le ko’olela’ ku jan ts’áaik
k’eyen j k’áak. Ti’ u láak’ k’iino’, chéen u píik’le’, le íichamtsiilo’ ku líik’il,
ku jach u’uyik tu’ux ku yúuchul jóoban, le ken u yu’ub ma’alob tu’ux ku yúuchul
le jóobano’, ku bine’ ku nupkuuba yéetelo’ob. Le máako’obo’ ku jop’ol u ya’aliko’ob
tu’ux kuj bino’ob yéetele’ ba’axten, yaane’ ku ya’aliko’obe’ chik’in tumeen
buulul, te’ej nojolo’ tumeen mixmáak xi’iki’, j xaman tumeen ti’ ku sen ila’al u
pe’echak’ le kéejo’obo’, j lak’in tumeen naats’; maáaxo’ob ma’alob u yalak’
peek’o’ob uti’al le p’uujo’. Le ken k’uchko’ob te’ej k’áaxo’ le u nojchilo’ ku
ya’alik, teeche’ te’ kaj p’áatala’, te’exe’ tolo’, xaman ko’on j bin yaan k ilik
kk’uchul tu’ux yaan le ch’e’eno’, bik a much’aaba’ex, ma’ a p’atike’ex a
jóobane’ex, tumeen bik tukulta’ak wa kéeje’ex. Le ken kíimsa’ak le kéejo’, le u
nojochilo’ ku yilik bix kuj t’oxbil le bak’o’, yéetele’ ku ch’a’nu’uktiko’ob wa
yaan peek’ kuj okol ichil le t’ooxo’, tumeen yaan le peek’o’ob jach ma’alobo’ob
uti’al le p’uujo’. Le poolo’, le tsuuko’ yéetel jump’éel u muuk’ ooke’ ku ts’a’abal
ti’ le máax j ts’oon le kéejo’. Bey túun jump’éel k’iin p’uujo’.
Ba’ali’ wa a laj táakbeskaaba’ex
ti’ u meyajil le k’iino’oba’, tak tu láak’ k’iin.
Buenas noches, estamos en otra
semana de trabajo, hasta ese momento hemos escrito sobre nuestras experiencias,
nuestras creencias, nuestra literatura, en fin hemos abarcado varios aspectos
de la vida comunitaria. En esta semana hablaremos sobre las diferentes formas
de organización comunitaria, como ustedes saben, la toma de acuerdos es una
actividad cotidiana en la vida de las comunidades indígenas, si observamos el
entorno comunitario nos percataremos de las diversas formas en que se organizan
los integrantes de una comunidad para la ejecución de una actividad
determinada. En mi comunidad la gente se organiza para una boda, una batida, un
trabajo, un nacimiento, etc. En particular hablaré sobre cómo se organiza una
batida.
Un día anterior la gente corre la
voz de que al día siguiente un grupo de señores organizará una batida, para que
los que gusten ir se preparen. A la mujer le dicen – mujer, tienes que preparar
pozol, pues mañana voy a ir a la batida- y la mujer rápidamente pone su pozol
en la candela. Al día siguiente muy de mañana el esposo se levanta y ubica el
lugar donde escucha el jóoban (una especie de ruido que se reproduce al soplar
las dos manos entretejidas, se sopla sobre los dos dedos pulgares) una vez que
éste ubica el lugar se une a la organización. Los señores empiezan a decir de
qué lado es mejor y por qué, unos dice al oeste pues ahora está inundado, al
sur pues casi nadie ha ido por ahí, al norte pues ahí han estado viendo huellas
de venado últimamente; al este pues está más cerca; quiénes tienen buenos
perros para la cacería; etc. Al llegar al monte el líder dice, tú aquí te
quedas, ustedes por allá, vamos a ir por el norte tratando de llegar al pozo, no
se vayan a juntar, y en ningún momento dejen de hacer el jóoban, pues de lo
contrario les pueden confundir con un venado. Una vez que matan el venado, el
líder organiza la repartición de la carne y deciden si algún perro entrará a la
repartición, pues hay algunos perros que son muy buenos cazadores. La cabeza,
el buche y una pierna se los dan al que mató el venado. Esto es un día de
cacería.
Espero que todos participen esta
semana. Hasta pronto.
0 comentarios:
Publicar un comentario