U TSIKBALIL IN KAAJAL. (tradiciones orales de mi pueblo)

●● (ka’a) U TSIKBALIL IN KAAJAL.

Tu chan kaajil Chun Ek  yaan ya’ab tsikbalilo’ob, bejlae’ in k’áat in síikte’ex le u k’aabao’  KOT BO’ ( leyli’ kaanan k’áaxe’).

Tu chik’iin le káajo, ichil nukuch k’aaxe’, yaan ya’ab xúucho’ob, ku yaáliko’ob le kajnáalilo’obo’ kex bey ka’ak’áal xúucho’ob yáan ti’ le kúuchilo’. Bey xan le nóolo’obo’ ku tsool ku xikino’ob ti’ le táankelemo’obo’ u ti’al ma’ u chúunk’iintalti’o’ob le ken máanako’ob ti’ le kúuchilo’ tumen u beejil  KOT BO’. (le ba’abala’ ku kanatik le k’aaxo, bey juntúul chichan tsíimine’ jach bin jats’uts, u k’eewel o’olkij, u neje’ bey lóole’ yéetele ku táal ichil moson iik’).

Yuum j-Rosendo Noh Chulim, kuxa’anil u tsikbalmajten bix úuchik tu táankelemil u yiilik le KOT BO’O. Táan u súut tsóon yéetel u tsíimin naats’ ti le xúucho’obo’, ka’ wa’alaj u tsíimino’, ma’ tu péek mix páachil mix táanil, mix ka u jaats’e yéetel le aak’o’. Je’elo’, ka’ tu yiilaj táan u táal ya’abach ch’íich’o’obo’ ju jíita’alo’ob ichil junp’éel k’a’ank’a’an iik’, kex ma’ tu óolili’e’, tu yu’ubaj u xíibil u wíinkil tak u tso’otsel o póole tu ch’ixubaj. K’a’aj tuun ti’ le KOT BO’O  tumen mix juntéen úuchukti’ beyo, chen k’a’aja’anti’ bix u tsoololti’ ba’ax ken un beetel u ti’al ma’ u bisa’al wa ka’ kiinsa’ak. Tu yiilaj junkúul che’ ts’urun ka’anal, ka’ éem tu yóok’ol le tsíimino’,  lela’ p’íit yáalkab jak’a’an u yóol. Yuum j-Roos na’ak tu ka’anil le che’o’ ka’ tu baak’ubaj yéetel suum ka’ tu jich’k’aaxtubaj. Le táan u béetiko’ob tu bin u náats’al le b’a’abalo’ ichil junp’éel moson iik’, k’a’am u juum ikil lu táal, ku bi’ibiltik le k’aaxo’, wa ka’ iila’ak tumen le KOT BO’ yaan bin u kíimil, leti’e’ tu yiilaj u máan naats’ ti’ le che’o’ tu’ux u k’aaxmubao’. Ti’ tu máansak áak’ab le nojoch máako’, le ka’ sáaschajo’, tu waach’ubaj, éemil, ka’ suunaj tu kaajal táan u máamam chokwil.

ka máase'ex ma'alo'ob k'iin.

Ajka’ansaj Julio Dzib.

2° Las tradiciones orales de mi pueblo.

En el pequeño poblado de Chun Ek hay muchas historias, ahora quiero regalarles uno que se conoce como KOT BO’ (es también un guardián de los montes).

Al oriente del pueblo, en lo profundo de la selva, hay muchos respiraderos naturales, dicen los pobladores que son cerca de cuarenta respiraderos en este sitio. De igual modo, los ancianos aconsejan a los jóvenes que no esperen a que caiga la tarde al pasar por ahí pues el paso del KOT BO’. (esta bestia es semejante a un bello caballito con la piel aterciopelada, una hermosa cola y trae un remolino de viento a su paso).

En vida, Don Rosendo Noh Chulin me relató de su encuentro de juventud con el KOT BO’. Regresaba de la cacería sobre su caballo cercano ya a los respiraderos, el caballo se detuvo sin moverse ni para atrás ni hacia adelante, aunque le azotaba con el bejuco. Así, vio pasar una gran cantidad de avecillas arrastradas por un fuerte viento, sin esperaralo, se le erizó todo el cuerpo y los cabellos se les pusieron de puntas. Recordó en ese momento al KOT BO’ que aún sin la experiencia, rememoró los consejos de cómo actuar antes de ser arrastrado o muerto. Observó un altísimo árbol, desmontó y el caballo echó a correr despavorido. Don Rosendo subió a lo más alto del árbol, se enredó con una cuerda y se amarró fuertemente a él. Esto hacía mientras se aproximaba la bestia entre un fortísimo remolino, tan sonoro y potente que azotaba los árboles del monte, si fuere visto por el KOT BO’ dábase por muerto, le vio pasar cerca al árbol donde se amarró. Pasó ahí la noche el varón, al amanecer, se desamarró, descendió y regresó al pueblo entre fuertes calenturas.

pasen un buen día.

Prof. Julio Dzib.