BA’AXTEN K’AABET TI AJKA’ANSAJ U K’AJÓOLTIK TU’UX KAJA’AN XOOKNALO’OB

BA’AXTEN K’AABET TI AJKA’ANSAJ U K’AJÓOLTIK TU’UX KAJA’AN XOOKNALO’OB

Ma’alob k’iin in wéet ka’ansajile’ex

Juntúul ajk’ansaj  ti’al u meyaj ma’alob tu najil xooke’  ya’ab ba’ax k’aabet u k’ajóoltik yéetel u yoojeltik, in tukultike’ k’ana’an u k’ajóoltik ma’alob le kaaj tu’ux ku meyajo’ u ti’al beyo’ u yojeltik ba’alob ku yuuchul ichil,  je’ bix u k’íinbejsajilo’ob, u cha’anilo’ob, báaxalo’ob, bix u meyajo’ob, janalo’ob, tsikbalo’ob, bix u biskuba’ob, bey xan  bix u tukulo’obo yo’olal le tunben ba’alob ku yaantalo’ob yóok’ol kaabo’  je’el bix le u nu’ukul paaxo’ob, le tsolobo’obo yéetel le ba’axo’ob ku meyaj ti’al u t’aankuba máako’ob tak nachilo’. Bey xan, ka’ansaje  k’aabet u kanik   t’aan ich máasewáal t’aan ti’al u páajtal u tsikbal yéetel le mejen paalal  ku bino’ob tu najil xooko’,  beyo’ je’el na’atik ba’ax kun a’albiti’e  yéetel je’el u na’atal ba’ax  u k’áat ya’al ti’ le mejen xoknaalo’obo.

Bey xan in wa’alike, k’aabet u k’áajóoltik u ba’apachil tu’ux kajakbal le xoknalo’obo u ti’al beyo’ chéen ch’a’bil ken u beet u ju’unil ti’al u jook’ol toojil u meyaj ich u najil xook.  U ti’al u ka’ansik xook yéetel ts’íib juntúul xooknale’ táanile k’aabet u ka’ansik u xook u t’aan, bey túuno’ ma’ jach talam ken yilil u ka’ansik xook ich kastelan t’aani.  U ti’al u jook’ol ma’alobil le ba’ax kin wa’alika k’aabet u k’ajóoltik yéetel u t’aanik máasewáal t’aan, bey túuno’ wa ku meyaj tu’ux ku t’a’anal maayae jach k’ana’an u kanik.

Bejla’ te’ k’iino’oba tu yáax najil xooke jach k’a’na’an u meyajta’al yéetel u chíimpoltal u t’aan mejen xooknalo’ob, tumen bey u ya’alik le túunben a’almajt’aano’ob ts’íibtano’ob ti’al yóok’ol kaabo’ yéetel tu lu’umil Méejiko. U ti’al le meyaja yaan u táakpajal tu láakal le ba’ax ku yúuchul yéetel ku seen beta’al ti’ junp’éel kajtal leti’e ku ya’alal u jejeláasil t’aanilo’obo. Tumen le ba’axo’oba láaj ti’ kun chúunuk le meyajo’obo. Jach k’ana’an  k’ajóoltik u ba’apachil xoknalo’ob tumen beyo’ tu láakal le ba’ax ken beet ich u najil xooko’ yaan u chúunul yo’olal ba’ax ku beetiko’obo yéetel yiliko’ob tu kaajalo’obo u ti’al u p’aatalti’ob le ba’ax ken meyajt yéetelo’obo, u ti’al u kaniko’ob jach ma’alob.

Buenos días compañeros maestros.

Un docente para trabajar en la escuela debe saber y conocer muchas cosas, creo que es necesario que conozca muy bien el lugar donde trabaja para así saber lo que sucede en el pueblo, como por ejemplo las celebraciones, fiestas, juegos, formas de trabajo, comidas, historias, cómo se organizan, cómo se llevan, así como su forma de pensar sobre las cosas de la modernidad como los instrumentos musicales, las computadoras y los medios de comunicación. El maestro también debe aprender a hablar en la lengua maya para poder comunicarse con los alumnos que van a la escuela, así pueden entender lo que le dicen sus alumnos y podrá ser entendido por los educandos.

También considero, es necesario que conozca el contexto donde viven los alumnos para así facilitar realizar su planeación didáctica para trabajar en el aula. Para enseñar a leer y escribir a los alumnos un docente debe enseñarlo a leer y escribir en su propia lengua para que no resulte dificultosa la enseñanza de la lectoescritura en español. Para lograr esto que les comento es muy importante conocer la lengua maya y la hable, así que si trabaja el docente en una comunidad donde se habla la lengua maya es necesario que lo aprenda.

Actualmente en la escuela primaria indígena es necesario trabajar y tomar en cuenta la lengua materna de los educandos, así como lo versan  las nuevas leyes en el mundo y en México. Para llevar a cabo tal acción,  se requiere de todo lo que sucede y se realiza en una comunidad, de las llamadas prácticas sociales de lenguaje. De estas partirán el trabajo. Es necesario conocer el contexto de los alumnos,  porque las actividades en el aula deben partir de lo que hacen y ven en su comunidad y así obtener conocimientos significativos al trabajar con ellos.

Maestro Marte Alejandro Cahun Balam