U k’aaba’ob maayaj kaaj, bejo’ob, kúuchilo’ob (nombre en maya de los pueblos, caminos o lugares) Prof. Humberto Poot Carrillo

Ma’alob k’iin

Ti’ le mejen kaajo’obo’ k u’uyik u k’aaba’ le kúuchilo’obo’, bejo’ob wa le kaajo’. Wa ka’ k’áatchi’inako’one’ je’el k ojéeltik ba’ax u k’áat u ya’al le k’aaba’obo’, tumeen tu láakal k’aaba’obe’ yaan ba’ax u k’aat u ya’ale. Ti’ le k’iino’oba’ yaan k ts’íibtik ba’ax u k’aat u ya’al le k’aaba’ maayaj yaanti’ob le kaajo’obo’, le bejo’obo’ yéetel le kúuchilo’obo’.

Ti’ u lu’umil kúupiche’ yaan jump’éel lu’um u k’aaba’e’ “chaak’an jooykep”, jach k’aj óolta’an, le k’aaba’a’ yaan ba’ax u káat u ya’ale, le j kajnáalo’obo’ ku ya’aliko’obe’ tak úuch bine’ ma’ tu ch’úuyul u pak’alilo’ob le lu’uma’, tumeen bul yaan ba’ax ma’ cha’ik. Jach ya’ab ba’ax topik le pak’alo’obo’, yaan k’iine’ ku jáawal u tal cháak, ku sen lo’obol, ku sen jaanta’al tumeen ba’alche’ob, ku yelel, ku búuyul u yuumilo’ob, bey túuno’ jach ya’ab ba’ax topik le pak’alo’obo’, le o’olal túune’ le máako’obo’ jop’ u ya’aliko’ob ti’ “chaak’an jooykep” tumeen ma’ tu ch’úuyul u koolilo’ob. Bejla’e’ le lu’uma’ jach k’aj óolta’an men u láak’ kaajo’ob yano’ob tséelti’o’.

Ba’ali’ wáa u binte’ex ma’alobil ti’ le k’iino’oba’

Buen día a todos:

En las comunidades escuchamos los nombres de diferentes lugares, caminos o del pueblo mismo. Si investigamos un poco descubriremos que detrás de cada nombre existe una sin fin de significados pues todo nombre tiene una razón de ser. En esta semana escribiremos sobre el significado del nombre en maya que tienen algunas comunidades, caminos o lugares.

En el ejido de Cumpich existe un terreno que se llama “chaak’an jooykep” (sabana del flojo), es una referencia, pero dicho nombre no deja de tener una explicación; los oriundos de la comunidad cuentan que desde hace mucho tiempo ese terreno no es productivo, pues siempre hay algo que se lo impide. Son muchos los factores que impiden la producción, la sequía es uno de los factores, crecimiento de la maleza, invasión de alguna plaga, alguna quema, el descuido de los dueños,  en fin son varios los factores, es por esas razones que la gente le empezó a decir chaak’an jooykep, pues siempre hay algo que le impide la producción. Hoy este lugar es una referencia muy conocida por los pueblos vecinos.

Espero que en esta semana sea de provecho para todos.