U K’AABA’OB MAAYAJ KAAJ, BEJO’OB, KÚUCHILO’OB U TSIKBALIL (BIX ÚUCHIK U CHÚUNPAJAL U CHAN KAAJIL CHANCH’E’EN)

          U K’AABA’OB MAAYAJ KAAJ, BEJO’OB, KÚUCHILO’OB

U TSIKBALIL BIX ÚUCHIK U CHÚUNPAJAL U CHAN KAAJIL CHANCH’E’EN

            Ma’alob k'iin x-ka'ansaje'ex yéetel j-ka'ansaje'ex

            Nika’ajen in tsikbalte’ex bix úuchuk u ts’a’abal u k’aaba u chan kaajil Chanch’e’en.

Le chan tsikbal ken in beeta ku táan yo’olal bix úuchik u chúunul u kajtalil Chanch’e’en, junp’éel kaaj ti’ p’aatal tu lu’umilo’ob ch’e’eno’obe tu’ux yaan le ka’anal k’áaxo’ob ku ya’alalo.

Yuum Benito Medina Cach yéetel yuum Dionicio Sosa Can jach ku tsikbaltiko’ob bix beychajak u ts’a’abal yéetel chúunpajak u kaajil Chanch’e’en.  Le tsikbala’ bey u kajala’: junp’éel k’iine’ tan bin u máan ts’oon jun jaats máako’ob ka’ tu t’u’ulpachto’ob  juntúul chan j-tsuub te’ ichil le nukuch k’áaxo, le ba’alche’a ichil u bine’ ka’ ook ti’ junp’éel jool, chéen ba’ale le tu’ux ooko’ ma’ chéen jooli’, jach junp’éel ch’e’en. Ma’ túun paatchaj u ts’oon ko’obi, ka’ yanchaj u suuto’ob tu’ux yaan u múuch’tambalilo’obo ka’ bajo’ob u tsikbalto’ob ti’ yéet batsilo’ob, bey túuno’ tu ya’alobe yaan u bino’ob u beet u kaajalo’obi tumen yaan x-ki’ichpan ja’i.

Ka bino’ob tak tu’ux yaan le ch’e’eno’, ichilo’obe bin xan juntúul j-meen, le máaka tu ya’alajti’ob beya’: le kúuchila’ ma’ chéen junp’éel ch’e’en yaani’ yaan u láak’o’bi, ka’ láamu u kaxanto’ob, bey túuno’ chúukpaj jo’op’éel mejen ch’e’eno’ob u kaxanto’ob. Ka’aj ts’o’oke láaj ki’imak u yóolo’ob tumen yaan ja’ ti’al uk’bil, le j-meeno’ tu ya’alajti’ob k’a’na’an u ts’abal u yuk’ulil ti’ u yuumilo’ob ti’al u yaantal ja’ mantats’.

Le ch’e’en’oba tak bejla’ leli’ ku jo’osal ja’ ti’obe, chéen ba’ale máan bin u sa’ap’al tumen tu xu’ulso’ob u beetiko’ob u yuk’ulil. Xu’ul u beetiko’ob u yuk’ulil tumen yan máako’ob ma’ tu chíimpoltiko’ob le úuchben tukulo’obo.

Aj-ka'ansaj Marte Alejandro Cahun Balam

NOMBRE EN  MAYA DE LOS PUEBLOS, CAMINOS Y/O LUGARES.

HISTORIA DEL ORIGEN DEL NOMBRE DEL POBLADO DE CHANCHEN

                

                Buenos días maestras y maestros.

                Les voy a platicar cómo es que se le da el nombre a la población de Chanchén.

                Esta historia que les voy a contar habla sobre cómo se origina la localidad de Chanchen, un pueblo que se ubica en la región de los chenes por donde está la llamada región de la montaña.

                Don Benito Medina Cach y don Dionicio Sosa Can cuentan cómo es que se le asignó el nombre al pequeño poblado de Chanchen. Esta historia inicia así: un día andaban de cacería un grupo de pobladores y empezaron a perseguir entre el monte  a un agutí, este animal entre la persecución se metió en un agujero, resulta que se van dando cuenta que donde el animal no era solamente un agujero era realmente un pozo. No pudieron cazarlo, tuvieron que regresar a donde estaban el grupo de compañeros, empezaron a platicar a los demás  lo sucedido, fue que acordaron a fundar su poblado hasta allá por la apreciada agua que descubrieron.

Fueron hasta donde habían descubierto el pozo, entre ellos estaba un meen, él les dijo así: este lugar no tiene nadamas un pozo tiene varios, y se dieron a la tarea de buscarlos, es así como encontraron cinco pozos pequeños. Al terminar, todos estaban contentos porque tenían agua para tomar, el meen les recomendó ofrecer una bebida a los dueños del lugar para que no se acabara el agua.

Estos pozos hasta fecha siguen funcionando, pero en una ocasión estuvieron a punto de secarse porque dejaron de ofrecer la bebida a los dueños del lugar. Cuentan que dejaron de ofrecer la bebida a los dioses y dueños, debido a que muchos actualmente, no creen en estas prácticas antiguas e importantes.

Maestro: Marte Alejandro Cahun Balam