U TS’ÍIBILO’OB YÉETEL U YÚUCHBEN TSIKBALILO’OB IN KAAJAL (OSOILO’OB NUNK’INI)

U TS’ÍIBILO’OB  YÉETEL U YÚUCHBEN  TSIKBALILO’OB IN KAAJAL

OSOILO’OB NUNK’INI

Ma’alo’ob  k’iin ka’ansaje’ex

¿Bix a bele’ex?

Kin pa’atike jach ma’alob anike’ex

Bejla’e nika’ajen jin tsikbalte’ex le xóot’ tsikbal ku k’aaba’atik u osoilo’ob in kaajal.

Ya’an  jejeláas u tsikbalil yo’olal bix uchak u jop’ol u jelkuba’ob u osolilo’ob nunk’ini’, yaan junp’éel in wu’uymaj u tsikbalta’ale ku yaálik beya’:

Ku ya’alalale tu toojil u ja’abil 1920 k’uuch Nunk’ini’  junp’éel peetcha’anil ti’al u baatsilo’ob Acereeto, lelo’oba ti’ u taalo’ob tu xóot’ lu’umil Yukataane’, p’áat junp’éel suukil u k’uuchlo’ob  tu laakal ja’ab tu wi’inalilo’ob ja’aja’al tumen te k’iino’oba le ba’alo’ob ku ko’onol u ti’al u mak’anta’al janlo’o jach ma’ ko’ojo’bi, lela’ jach ust tu t’aano’ob le j-Acereeto tumen chen ch’a’abil u janlo’ob.

Junp’éel u k’iinile’ tu e’esajil u peetcha’anil le j-Acereeto’obo táakpaj juntúul osoi, lela’ u jelmuba yéetel junp’éel boox nook’, ku jéenkaal yéetel ku sisit’ankil jach je’ bix u beetiko’ob tak bejla’ tu karnabalil Nunk’ini’o.

Ti’ u kajnaalilo’ob le Nunk’ini’o Jach táaj utschaj tu yiich le oso’ob tumen ti’al u k’iinbesiko’ob le karnabalo’ jop’ u jelkuba’ob je’ bix u beetiko’ob u yuumilo’ob u peetcha’anil j-Acereeto, ti’ e k’iino’ob kin tsikbaltikte’exa ku yaantal ka’ach  ka’ap’éel muuch’talil tu kaajil Nunk’ini’ u ti’al u k’iinbesa’al le karnabalo’, jun jaatso’obe j-nojolilo’ob u láak’ jaatso’obe xamanilo’ob, bey túuno’ u jaatsilo’ob nojol yéetel xamanilo’obe jop’ u jóosiko’ob juntúul ooso yéetel u j-kanan ti’al u máan u yáalkabo’ob tu k’iinil le karnabalo’. Jop’ u chuyin u nook’ob ti’al u jelkuba’ob yéetel pita’ob tumen mina’an tersiopeloti’ob ti’al u beetik u nook’ob bix u beeta’al ich u peetcha’anil j-Acereeto. Tu pu’uch le ooso ku ts’a’abal  u k’ewelil juntúul keeji ti’al u jéet jats’ta’al tumen u j-kanan, u ti’al u pixik u yiche’ ku takik junp’éel saabukan yéetel ku k’a’axal tu chuun u nak’ junp’éel senseero.

Le tsikbala’ yaan máax jach u yoojel, áanimas yuum Pedro Suarez Chi in wu’uymaj yéetel in xookmaj u ts’íibil u beetamaj yo’olal bix uchak u kajal u jelkuba’ob u osoilo’ob Nunk’ini’.

Le  cha’anil in ti’alinte’ jach jats’uts, tumen le k’iin ken k’uuch karnabale’ ka wilik u máan u yáalkabo’ob mejen oso’ob, nukuch oso’ob, osa’ob yéetel tankelem oso’ob, in k’áat in wa’ale: kin tuktultike’ ma’ táan u jáan sa’atal u ch’a’anil oso’ob tu lu’umil Nunk’ini’ tumen lela’ ku bin u kaniko’ob tak u mejen palalilo’ob, chéen ba’ax ts’óok u k’éexpajal junp’íite’ leti’e u jelkuba’obo tumen yaan máaxo’obe ma’ u yoojelo’ob bix uchak u kaajal le cha’anila’.

Aj-ka’ansaj Marte Alejandro Cahun Balam

LA LITERATURA Y TESTIMONIOS DE MI COMUNIDAD

LOS OSOS DE NUNKINI

Buenos días maestros

¿Cómo están?

Espero que estén bien

            Hoy le voy a narrar está pequeña historia titulada “los osos de Nunkini”.

            Existen varias versiones sobre porque se empezaron a disfrazar los osos de Nunkini como tales, hay una versión que he escuchado y dice así:

Dicen que por allá del año de 1920 llegó a Nunkini un circo de los hermanos Acereto, eran originarios del estado de Yucatán, se volvió una costumbre que llegarán al pueblo en temporada de lluvias,  porque para estos días los productos necesarios para hacer una comida eran económicas, situación que les parecía muy bien a los Acereto, porque les era fácil comprar para alimentarse.

Un día en una de sus funciones de los hermanos Acereto presentaron a un oso vestido con traje negro de terciopelo, gruñía y daba maromas, así como lo hacen ahora en el carnaval de Nunkini.

A los habitantes de Nunkini les gustó tanto el oso, porque empezaron a disfrazarse para celebrar el carnaval así como lo hacían los del circo hermanos Acereto, para estos días que les comento se organizaban dos grupos en el poblado de Nunkini para celebrar el carnaval, uno del norte y otro del sur, así entonces los grupos del norte y el sur empezaron a presentar un oso y su domador para rondar los días del carnaval. Empezaron a confeccionar sus trajes con pitas a falta de terciopelo como lo hacían los del circo hermanos Acereto, en la espalda del oso se pone una piel de venado para que le vayan pegando por el domador, para cubrir su cara se colocan un sabucán y se le sujeta con una cuerda un cencerro en su cintura.

Esta historia muchas personas la conocen, el difunto don Pedro Suarez Chi he escuchado que lo comente y leer su escrito sobre el origen de los osos de Nunkini.

Esta fiesta para mí es muy bonita, porque durante los días de carnaval ves corriendo osos pequeños, grandes, osas y jóvenes, quiero decir: creo que no se olvidará pronto esta tradición de los osos en Nunkini porque esto lo van aprendiendo hasta los niños, lo que si ha cambiado un poco es la forma en que se visten debido a que no conocen el origen de esta tradición. 

Maestro Marte Alejandro Cahun Balam