U K’AABETIL BALTS’A’AN TU NAJIL XOOK (LA IMPORTANCIA DEL TEATRO EN LA ESCUELA)

                                 U K’AABETIL BALTS’A’AN TU NAJIL XOOK

           

            Ma’alob oka’ank’iin anakte’ex x-ka’ansaje’ex yéetel j-ka’ansaje’ex.

Ti’al u meyajil ich u najil xooke’ ka’ansaje’ yaan u kaxantik u jejeláasil bix ken u beetil, ichil lela’ ku takpajal tsikbalo’ob, jats’uts t’aano’ob, k’aayo’ob, k’alk’alak t’aano’ob, bey xan le balts’a’ano.

Le balts’a’ano junp’éel meyaj jach uts tu t’aan mejen paalal tu najil xook tumen ku yaantal u che’ejil yéetel u múuch’ meyajil, bex yan kin wilike’ le ken úuchuk le meyaj yéetel le balts’a’ano le mejen paalalo’obo láaj ku táakpajalo’obi, mix juntúul u k’áat p’aatal páachili’.

In tukultike le meyaja’ jach k’a’ana’an k-ti’alinkto’on ka’ansajo’on tu yáax najil xook, tumen ku séebakuntik u kaanik xook yéetel ts’íib le xooknalo’obo, lela’ ku páajtal k-ilik ken u ts’íibto’ob  le ba’ax ken u seen ya’alo’obo, bey xan le ken u xooko’ob le ba’ax k’aabet u ya’aliko’ob u ti’al u takpajalo’ob ti’ le meyaja’, bey túuno’ mina’an a seen cho’otiko’ob ka’ máanako’ob aktáan meyaj ,chéen tu jun ku takpajalo’obi.

U láak’ ba’ax jach ma’alob ti’ le meyaja’, mina’an u seen ko’ojil, tumen je’el meyajtik yéetel le ba’ax yaan tu ba’apachil tu’ux kajakbal le xooknalo’, ma’ k’aabet  maanik tumben nook’obi, je’el u beytal  u meyajto’on asbe’en nook’obe, úuchben xaanabo’ob, p’óoko’ob yéetel u x-lala’ nu’ukulo’ob u baatsilo’ob.

Bix ya’alik yuum Feliciano Sánchez Chano’ je’el u beytal a meyajtik le ba’alts’a’ano’ je’ tu’ubake, ich u najil xook, tu bo’oyil junp’éel che’, táan kaajil,  jach je’ tu’ubake, ma’ k’aabet wa p’iis ti’ junp’éel kúuchil bix le e’esa’anto’n tumen le sakmáako’obo. Kin chíimpoltik le ba’ax ku ya’alik le yuuma’ yéetel kin ts’aik níibóolti tu sáasikuntil in tuukul yo’olal ba’axo’ob je’el u meyajta’al le balts’a’ano tumen ku ya’alike je’el u  síijil le meyaja’ jach je’ ti ba’axake.

Bey túuno’ wa yaan k’iino’ob kin meyaj yéetel le balts’a’ano bejla’e yaan in jach meyaj yéetel leti’e tumen ts’o’ok in na’atik jach k’a’ana’an ti’al u kaanik xook, ts’íib yéetel u seeba’antal u táakpajal mejen xoknalo’ob tu meyajil ich u najil xook.

Aj-ka’ansaj Marte Alejandro Cahun Balam

LA IMPORTANCIA DEL TEATRO EN EL AULA.

Buenas noches tengan maestras y maestros.

Para trabajar en el aula el maestro tiene que buscar diversas estrategias, entre estas se encuentran las narraciones, poesías, canciones, trabalenguas así como el teatro.

El teatro es una actividad que les gusta mucho a los niños en la escuela, porque en ella se presenta la diversión y el trabajo en equipo, también observo que cuando se trabaja con el teatro todos los alumnos participan, ninguno se queda sin participar.

Considero que esta actividad es muy importante para nosotros los maestros de la escuela primaria, porque acelera el proceso de aprendizaje de la lectura y la escritura de los alumnos, esto lo podemos visualizar  cuando escriben lo que van a decir (diálogos), así como cuando leen los diálogos a decir en su intervención, de esta manera no será necesario insistirles para que pasen al frente a participar, participan voluntariamente.  

Otra de las ventajas de esta actividad, es que no es muy caro, porque se puede trabajar con lo se tiene en el contexto donde vive el alumno, no es necesario comprar trajes nuevos, nos pueden servir ropas viejas, zapatos  viejos, sombreros y herramientas de la familia.

Como dice don Feliciano Sánchez  Chan el teatro se puede trabajar en donde sea, dentro del salón, en la sombra de un árbol, en el parque, en cualquier lugar, no es necesario en un lugar especial como nos tienen enseñado los españoles. Concuerdo con lo que dice este señor y le agradezco por haberme aclarado mis ideas sobre el trabajo del teatro porque menciona que esta actividad puede nacer de cualquier temática.

Entonces si antes trabajaba algunos días con el teatro ahora voy a trabajar más frecuente con esta actividad porque he entendido la importancia que tiene para la enseñanza  de la lectura, escritura y permite la participación de los alumnos en las actividades escolares.

Maestro: Marte Alejandro Cahun Balam


U tsiikbalii Rubi Luceli uc Panti

Malo'ob ak'aab ajkaansaj Marte

Jaach tu jajil le tsikbalal ta béeta, tumen k'aabet meeyaj jejela'as balo'ob ti ichil le najil xook, le tene le baldzamo' ku ajaaltik u naat le mejeen palalo'ob yeetel u luusik u saakil de mejen palalo'ob t'aan tu taani le nojoch mako'ob.
cheen le ja ken in tsikbaltech.
maans malo'ob aak'ab.

Hola maestro Marte es un gusto comentar lo que publicó ya que es verdad que hay que trabajar diferentes estrategias dentro del aula y una de ellas es el teatro y la dramatización, lo que permite al niño despertar su imaginación y tener más seguridad en si mismo.
solamente es lo que le comento.
pase buenas noches